Distributor
Si funksionon një kamerë LPR
Kamera LPR (License Plate Recognition, e njohur edhe si ANPR) është një kamerë e dedikuar, e pozicionuar për të parë targën nga afër. Algoritmi dallon targën në imazh, e lexon dhe e krahason me listat që keni vendosur. Për çdo lexim ruhen targa, ora dhe fotografia e automjetit.
Ndryshe nga një kamerë e zakonshme, një kamerë LPR ka:
- lente varifokale të motorizuar, që targa të kalibrohet saktë në terren;
- IR dhe shutter të shpejtë, që targa të lexohet edhe natën dhe kur automjeti lëviz;
- lista të bardha dhe të zeza me evente në kohë reale.
Ku përdoret
Parkingje dhe barriera
Automjetet e regjistruara hyjnë pa biletë dhe pa roje, dhe çdo hyrje e dalje mbetet e dokumentuar.
Magazina dhe logjistikë
Regjistrohen hyrjet dhe daljet e kamionëve, me orë të sakta për çdo ngarkesë dhe shkarkim.
Kompani dhe fabrika
Automjetet e stafit dhe të furnitorëve mbahen në lista të veçanta. Për çdo automjet të panjohur merrni njoftim.
Komplekse banimi dhe vila
Porta hapet për banorët, ndërsa vizitorët regjistrohen.
Çfarë ndikon në saktësinë e leximit
Një kamerë e mirë LPR lexon mirë vetëm kur instalohet mirë. Gjatë projektimit kontrollojmë:
- Këndi: kamera duhet ta shohë targën sa më ballë. Këndet e mëdha horizontale dhe vertikale e ulin saktësinë.
- Distanca dhe zoom-i: targa duhet të ketë mjaftueshëm pixel në imazh. Lentja varifokale rregullohet për pikën ku automjeti ndalon ose ngadalëson.
- Shpejtësia: për hyrje me barrierë automjeti ngadalëson dhe leximi është më i lehtë. Për rrugë me shpejtësi më të lartë nevojitet konfigurim i veçantë.
- Ndriçimi: dritat e automjeteve dhe dielli i ulët krijojnë kundërdritë. IR dhe ekspozimi i dedikuar e zgjidhin këtë problem.
- Një korsi, një kamerë: çdo korsi hyrjeje ka zakonisht kamerën e vet.